Circuitu de proyectos d´actividaes musicales

Una propuesta alternativa y fresca, al traviés de la confluencia de la poesía y la música cola interpretación de poemes y testos propios harmonizaos colos acordes d’una guitarra acústica, canciones, audiovisuales y un toque d’humor. Una esplosión emocional que quier esperimentar coles emociones al traviés de los sentíos.

Un espectáculu poético-musical onde la diversidá, la identidá, la igualdá de xéneru y social y la multiculturalidá entemécense nun xuegu de sones, canciones y audiovisuales cargáu de mensaxes comprometíos con gran dosis d’optimismu, amor, humor y bon karma.