Circuitu d´actividaes musicales

Pipo Prendes presenta los conciertos Asturianos, títulu que da a ún de los temes más significativos na carrera del artista. D’esta vuelta y daes les circunstancies actuales que nos afecten tan directamente a toos, Pipo, acompañáu pola so guitarrista inseparable, Fernando Pérez Vega, preséntanos los temes nuevos que compunxo, xunto a cantares emblemáticos de la so carrera, ente los que destaca el mentáu Asturianos, amás de versiones mui especiales de dellos cantares tradicionales de la nuestra tierra.

Esti formatu, onde dos guitarres dan sofitu a los cantares que suenen nos conciertos, ye mui representativu de la marca “Pipo Prendes”, onde sobresal el soníu intimista y cercanu nel que se siente más a gustu.