Museos y equipamientos culturales

Asturies tien una rede amplia de museos y equipamientos culturales que, repartíos per tola xeografía asturiana, amuesen la gran bayura cultural de la rexón. Descubri la Prehistoria, la Historia, la naturaleza, les nuestres tradiciones, el pasáu industrial o’l patrimoniu arqueolóxicu, ensin escaecer l’arte o l’arquitectura, en decenes d’equipamientos que se presenten como una de les meyores y más didáctiques maneres de conocer el pasáu, el presente y el futuru de la rexón.
Amás de los museos, les colecciones, los centros d’interpretación, los conxuntos etnográficos, los castros y xacimientos arqueolóxicos, los monumentos, los espacios culturales, los conxuntos histórico-artísticos y otros sitios formen parte d’esta gran rede cultural que fai posible caltener, conocer y difundir la cultura asturiana.