Llaboral Ciudá de la Cultura

Xixón

Slide 2
Slide 2

Llaboral Ciudá de la Cultura ye´l resultáu d´un proyectu de tresformación que´l Gobiernu del Principáu d´Asturies acometió en 2001 cola fin de dar nueva vida al edificiu de l´antigua Universidá Llaboral de Xixón. El proyectu vio la lluz en marzu de 2007: nacía Llaboral Ciudá de la Cultura, una ciudá cultural del sieglu XXI, abierta plural, na qu´hai espaciu pa tou tipu d´espectáculos y propuestes d´ociu. La sede de Radiotelevisión del Principáu d´Asturies nel antiguu Conventu de les Clarises, Llaboral Centru d´Arte y Creación Industrial, el Centru Integráu de Formación Profesional, el Patiu Corintiu qu´alluga la Recepción, la Torre, la Escuela d´Arte Dramático, el Conservatoriu Profesional de Música y Danza, la Ilesia, el Café, el Teatru, el Paraninfu y la Facultá de Comerciu, Turismu y Ciencies Sociales "Jovellanos", son dalgunos de los espacios que tienen la so sede na Ciudá de la Cultura.

 

Consulta l'axenda d'actividaes y eventos equí.
Servicios

Visites guiaes - Talleres - Programación cinematográfica - Programación artística - Eventos Culturales - Arriendu d´espacios y sales pa congresos, convenciones y xuntes - Café y Restaurante - Xardinos – Aparcamientu de baldre

Accesibilidá

Tolos edificios son accesibles sacando la Ilesia y les Antigües Cocines.

Accesu con mascotes

Nun se permite l´accesu de mascotes al interior de los edificios. Nel esterior, éstes habrán tar amarraes y controlaes.

C/ Luis Moya Blanco, 261

33203 Gijón / Xixón

T: 902 306 600 / 985 185 860

 

CÓMO LLEGAR:

En coche

Agarrar l´autopista A8 en dirección a Xixón. Llegando a Xixón agarrar la Ronda. Agarrar la salida km. 385 en dirección a Viesques. Siguir indicaciones a Hospital Cabueñes. Na tercer glorieta agarrar la tercer salida. Llaboral Ciudá de la Cultura cuenta con un aparcamientu públicu.

N´autobús de llinia regular

Dende Xixón: la Empresa Municipal de Tresportes (Emtusa) cuenta con 3 llinies regulares d´autobuses qu´incluyen nel so percorríu la parada Universidá Llaboral:

     - Llinia 1 El Cerilleru-Hospital de Cabueñes.

     - Llinia 2 El Corte Inglés-Hospital de Cabueñes.

     - Llinia 18 Nuevo Xixón-Hospital de Cabueñes

Dende otres ciudaes: la compañía Alsa cuenta con llinies regulares d´autobuses que conecten Gijón/Xixón con tol territoriu nacional. La estación d Alsa ta bien comunicada con Llaboral Ciudá de la Cultura.

HORARIOS:

L´accesu al edificiu queda abiertu de 08:00 a 21:00 h.

Consultar horarios de visita guiada equí.

TARIFES:

L´accesu al edificiu y la visita esterior ye de baldre.

Consultar horarios de visita guiada equí.