De cuando la Tierra y la Luna estuvieron más atentas que nunca la una de la otra. Lugares para estar a salvo no hay

Autor: Mónica Cofiño y La Xata la Rifa

Disciplina: Artes escéniques

Descripción:

Mónica Cofiño siempre vivió arrodiada de les coses que construye, anque tamién foi desprendiéndose d’otres. Esti proyectu naz d’un impulsu de busca, el que siempre la mueve pa baillar. Mónica vive arrodiada de guapura: “Soi una privilexada”, diz, “y tengo la suerte de tener la Lluna cerca y toi más na Tierra que nunca”. Con esti proyectu “vas entender más a l’Astronauta de campu. El mio cuerpu ye’l mio taller. Quiero siguir faciendo de los llugares onde habito un palcu; de los ivernaderos, un teatru; reconvertir les playes contaminaes en Lluna, poner lluz a les histories de les mines”. “Nun vos voi falar del mio trabayu, nin del taller que tengo. Voi falavos del espaciu que suaño”.

La baillarina y productora d’acontecimientos Mónica Cofiño ta al frente del ciclu de La Xata la Rifa, llaboratoriu onde investiga otres formes de presentación, reivindica nuevos circuitos y tiempos nel arte, cuestiona la mirada del espectador y respuende a otros mecanismos de financiación. Cofiño trabaya en diferentes campos de la escena contemporánea, bailla en cuadres, mares, aeropuertos, trenes y mines. Actualmente convive ente la estación de tren de Carbayín, Podes y los Alpes franceses combinando práctiques performatives, con ellaboración d’eventos, entetexendo’l desenvolvimientu rural y les artes escéniques, con tradición, pasión y innovación.