Últimos VídeosNoticies

El programa D’itinerarios pel Patrimoniu ufierta nueve rutes pa percorrer recursos culturales y naturales d’Asturies los sábados de setiembre y ochobre

Cultura en Rede

La celebración del Xacobéu 21 tien un protagonismu especial na programación, con percorríos guiados per conceyos y monumentos de les rutes xacobees asturianes

03/09/2021.- La Sociedá Pública de Xestión y Promoción Turística y Cultural del Principáu d’Asturies tien programaes pa los sábados de setiembre y ochobre nueve rutes del programa D’itinerarios pel Patrimoniu, un proyectu de la Conseyería de Cultura, Política Llingüística y Turismu que busca visibilizar y facilitar l’accesu del públicu al abondosu y variáu patrimoniu cultural asturianu.

La celebración del Xacobéu 21 tien un protagonismu especial, con percorríos guiaos per conceyos y monumentos que’l pelegrín atopa al so pasu nes distintes rutes xacobees que traviesen Asturies, que van dexa-y conocer recursos culturales lligaos al Prerrománicu Asturianu, la cultura vaqueira o a los pueblos marineros. Estos meses ufiértense amás visites p’adientrarse nel Parque Natural de Ponga, nos Valles del Osu, na Comarca del Nora y nel Valle del Nalón.

Esti branu completáronse siete de les once rutes ofrecíes col programa D’itinerarios pel Patrimoniu, nel que participaron cerca de 160 personas dende finales de xunu hasta agostu.

Les entraes pa participar en cada ruta, con places limitaes, tienen un preciu de 18 euros o de 15 euros pa públicu infantil ente 4 y 11 años, grupos de más de 10 persones, visitantes con Pasaporte Cultural o con tarxeta del Club Cultura Principáu d’Asturies. Las localidaes puen adquirisepresencialmente nes oficines de Curin Servicios Integrales de Turismu, de llunes a viernes n’Uviéu, y al traviés de la web www.hazteunbus.es. La salida y llegada de tolos itinerarios va facese n’Uviéu y dalguna de les rutas inclúi parada n’Avilés o en Xixón.

 

Percorríos

  • 4 de setiembre. Parque Natural de Ponga.
  • 11 de setiembre. El Camín qu’entamó Alfonso II.
  • 18 de setiembre. Valle Altu del Ríu Nalón.
  • 25 de setiembre. El Camín de Santiago de la Costa pela zona oriental vinculáu a pueblos marineros.
  • 2 d’ochobre. Valles del Osu.
  • 9 d’ochobre. El Camín de Santiago pel Occidente.
  • 16 d’ochobre. Patrimoniu Industrial Valle del Nalón.
  • 23 d’ochobre. El Camín de Santiago Primitivu vinculáu a la cultura vaqueira.
  • 30 d’ochobre. La Comarca del Nora.
Slide 2