Últimos VídeosNoticies

Convocatoria Circuito Cultural Xacobéu

Cultura en Rede

11/06/2021.- La Sociedá Pública de Xestión y Promoción Turística y Cultural del Principáu d'Asturies promueve una convocatoria pa la selección de propuestes pa la programación d’un circuitu cultural pa promocionar y dinamizar la conmemoracion del añu santu xacobéu 2021 y 2022 nel Principáu d’Asturies.

L’oxetu d’esta convocatoria ye la selección de proyectos temáticos rellacionaos col Camín de Santiago pa la ellaboración d’un catálogu que valga como base pa la posterior programación de delles actividaes, que van ser representaes en distintos espacios allugaos nos conceyos del Principáu d’Asturies pelos que pasen les rutes xacobees asturianes.

Con esta iniciativa búscase complementar les programaciones habituales de los Conceyos cola contratación de dellos proyectos que se van poner a disposición de los consistorios pa celebrar esta efeméride nos años 2021 y 2022, amás d’afitar la ruta en materia turística y cultural nel Principáu.

Con esta convocatoria establécense les bases y requisitos que van rexir la mesma, amás del procedimientu pa la selección de los proyectos o espectáculos que van integrar el rexistru con respetu a los principios de publicidá, concurrencia llibre y oxetividá.

La documentación riquío ha presentase al traviés del rexistru creáu al efectu, accesible al traviés de la URL http://panel.asturiesculturaenrede.es a partir del 14 de xunu a les 8:00 h.

La hora y fecha tope de presentación de les solicitúes van ser les 14:00 hores del día 25 de xunu del 2021. N’acabando’l plazu de solicitú, la plataforma va quedar inhabilitada pa facer cualquier clas de cambéu na documentación presentao hasta que la convocatoria se resuelva.

Descargar les bases completes equí.

Descargar los anexos equí.

Slide 2