Últimos VídeosNoticies

Convocatoria Artes Visuales 2021

Artes visuales

Convocatoria pa la selección de proyectos espositivos d´artes visuales n´Asturies

26/05/2021.- La Sociedá Pública de Xestión y Promoción Turística y Cultural del Principáu d’Asturies promueve una convocatoria pa la selección de proyectos espositivos d’artes visuales, y l’adquisición de los sos derechos d’esplotación, que se van desenvolver en diferentes espacios culturales asitiaos en distintos conceyos del Principáu d’Asturies.

L’oxetu d’esta convocatoria ye la selección de proyectos espositivos inéditos y actividaes complementaries, de cualquier disciplina artística dientro de les artes visuales, pa la ellaboración d’un catálogu que valga de pegollu pa la posterior programación d’esposiciones en distintes sales o espacios culturales allugaos en distintos conceyos del Principáu d’Asturies. Con esta iniciativa quier complementase les programaciones habituales de los Conceyos cola contratación de delles esposiciones que se van poner a disposición de los consistorios.

La solicitú, xunto a la documentación que se pide, ha presentase al traviés del rexistru creáu pa eso accesible al traviés de la URL http://panel.asturiesculturaenrede.es.

El solicitante tien que se rexistrar como usuariu nuevu, si ye que nun ta yá, y en validándolu (plazu máximu de 24 hores) va poder presentar la documentación. En presentando la documentación, el solicitante va recibir acuse de recibu per corréu electrónicu.

La hora y fecha tope pa presentar solicitúes van ser les 14:00 hores del día 21 de xunu del 2021.

Descargar resolución

Descargar Anexos I y II

Slide 2