Últimos VídeosNoticies

Convocatoria Lliteratura 2021

Lliteratura

Convocatoria pa la selección de propuestes pa la ellaboración d´un catálogu de proyectos lliterarios n´Asturies

11/05/2021.- La Sociedá Pública de Xestión y Promoción Turística y Cultural del Principáu d´Asturies promueve una convocatoria pa la selección de propuestes pa la ellaboración d'un catálogu de proyectos lliterarios y posterior programación de delles actividaes de promoción de la lliteratura y espardimientu de les lletres nel Principáu d'Asturies.

L´oxetu de la presente convocatoria ye la selección d´un mínimu de quince proyectos lliterarios pa la ellaboración d´un catálogu que sirva como base pa la posterior programación de delles actividaes de promoción de la lliteratura y espardimientu de les lletres que van ser programaes en distintes sales o espacios culturales allugaos en distintos conceyos del Principáu d´Asturies. Con esta iniciativa búscase complementar les programaciones habituales de los Conceyos cola contratación de delles actividades que se van poner a disposición de los consistorios nel segundu semestre del añu 2021.

Por aciu la presente convocatoria establécense les bases y requisitos que van rexir la mesma, mesmo que´l procedimientu pa la selección de los proyectos o propuestes lliteraries que van integrar el catálogu con respetu a los principios de publicidá, llibre concurrencia y oxetividá.

La solicitú, xunto cola documentación riquida va presentase al traviés del rexistru creáu al efectu accesible al traviés de la URL http://panel.asturiesculturaenrede.es.

La hora y fecha llende de presentación de les solicitúes van ser les 14:00 hores del día 25 de mayu de 2021.

Descargar les bases completes equí.

Descargar el anexu a la convocatoria equí.

Slide 2