07/04/2021.- La Conseyería de Cultura, Política Llingüística y Turismu convoca subvenciones pa proyectos d´actividaes culturales d´interés rexonal y acciones de formación y movilidá promovíos por empreses.

La convocatoria tien por oxetu la concesión d´ayudes económiques, en réxime de concurrencia competitiva, empobinaes a empreses (persones físiques y xurídiques) que tengan el domiciliu social nel Principáu d´Asturies y que promuevan de manera continuada actividaes o acciones culturales pa la realización d´actividades culturaes concretes d´interés rexonal (actividaes discográfiques, editoriales, cinematográfiques y de videu, etc.). Ente les mentaes actividaes o proyectos culturales inclúyense acciones de formación y movilidá cola mira de dar sofitu a la realización de xires d´espectáculos d´artes escéniques y musicales, a cursos y actividaes de formación vinculaes a les distintes manifestaciones artístiques, mesmo qu´a les actividaes de difusión d´artes plástiques y audiovisuales al traviés de proyectos espositivos y de l´asistencia a feries, festivales y eventos de difusión, promoción o comercialización de cualquiera de les manifestaciones culturales y artístiques que se fagan fuera del ámbitu del Principáu d´Asturies por estes empreses.

Plazu de presentación de solicitúes: hasta´l 5 de mayu, inclusive.

Consulta nesti enllaz la convocatoria completa.