El plazu d’inscripción pa los centros educativos va tar abiertu hasta’l 30 de setiembre

La programación incluye propuestes escéniques, musicales, audiovisuales, lliteraries y de tradición oral, diseñaes pa cada etapa educativa

______________________________________________________________________________________________________________

El prazo d’inscripción pra os centros educativos ta aberto hasta el 30 de setembre

A programación incluye propostas escénicas, musicales, audiovisuales, lliterarias y de tradición oral, diseñadas pra cada etapa educativa

Les conseyeres de Cultura, Política Llingüística y Deporte y d’Educación, Vanessa Gutiérrez y Eva Ledo, presentaron esta mañana la programación de la Xira Didáctica pal cursu 2025/2026, que sestuplica la ufierta de la edición anterior. Esta iniciativa va ufiertar un total de 76 funciones gratuites n’asturianu y eonaviegu, repartíes en 30 espectáculos y actividaes que van percorrer 30 conceyos asturianos.

El programa ta dirixíu al alumnáu de Primaria, Secundaria y Bachilleratu, y combina conteníos culturales y educativos cola mira de fomentar l’usu y conocencia de les llingües propies d’Asturies nel ámbitu escolar.

El Principáu ufierta al alumnáu de Llingua asturiana y lliteratura y d’eonaviegu una escoyeta de propuestes creaes pola industria cultural asturiana que combinen un conteníu educativu singular cola calidá artística y tán adaptaes a cada públicu oxetivu.

A les artes escéniques y propuestes musicales súmense nesta convocatoria actividaes vinculaes al cine y al audiovisual, a la lliteratura y narración oral y a la cultura tradicional, ampliando’l númberu de disciplines del programa de la Xira, qu’empezó nel trimestre últimu del cursu pasáu cola programación de cinco espectáculos de compañíes y artistes asturianos.

La Xira va empezar con Nueche d’ánimes/La pantasma’l 8 d’ochobre en Parres y va rematar el 18 de xunu que vien con La neña de les trences al revés en Cabranes.

Toles actividaes d’esti programa, que financia y xestiona la Conseyería de Cultura, Política Llingüística y Deporte al traviés de la Sociedá Pública de Xestión y Promoción Turística y Cultural del Principáu d’Asturies, son gratuites y les places son limitaes. Los centros educativos namás van tener qu’asumir los costos que puedan ocasionar los desplazamientos, nel casu de que seyan menester.

La programación va desenvolvese n’espacios culturales de los conceyos participantes, con feches y horarios yá establecíos, lo que dexa a los centros educativos planificar la so participación con calter antemanáu. La reserva faise de forma telemática y priorízase al alumnáu matriculao en llingua asturiana o eonaviegu.

Pa participar nesti proyectu hai qu’acutar plaza al traviés de https://entradas.turismoasturias.es/es/xira-didactica. El plazu d’inscripción empieza’l 17 de setiembre a les 09:00 hores y acaba’l 30 de setiembre a les 23:59 hores.

El catálogu d’esta edición incluye una variedá amplia de propuestes escéniques, musicales, audiovisuales y lliteraries, como “Amanda y les castañes máxiques”, “Azul y la revolución de los colores”, “El xardín d’Olivia”, “Gasolina con capullos”, “Pop Piquiñín”, “Contos pra ser quen queras ser”, “Bruxa. Cuntacuentos y taller de conxuros máxicos”, “El Conciertín, conciertu didácticu de música tradicional”, “Verdina. El día qu’una faba cósmica aterrizó n’Asturies”, “Dido y Eneas” o “caLORCAlor”, ente otres. Cada actividá ta diseñada pa un ciclu educativu específicu, dende Infantil hasta Bachilleratu, y combina valores pedagóxicos con una calidá artística alta.

La Xira Didáctica, un programa pioneru

La Xira Didáctica ye un programa pioneru impulsáu poles conseyeríes de Cultura, Política Llingüística y Deporte y d’Educación, que quier llevar la cultura n’asturianu y eonaviegu a les aules de toa Asturies. Al traviés d’esta iniciativa, promuévese’l contactu directu del alumnáu col so patrimoniu llingüísticu y cultural, reforciando la normalización y promoción de les llingües propies nel ámbitu educativu.

Na edición del trimestre últimu del cursu pasáu participaron un total de 27 escueles asturianes, con una asistencia de 1.039 estudiantes y 107 docentes acompañantes.

Esta Xira Didáctica enmárcase nel conxuntu de midíes del Principáu pa fomentar la enseñanza y l’usu del asturianu y l’eonaviegu nes aules. Ente elles, destaquen la so inclusión dende esti cursu nel segundu ciclu d’Infantil y nes Escueles Oficiales d’Idiomes o la so presencia nos premios estraordinarios.

*Inclúyese’l catálogu de la Xira Didáctica pa esti cursu escolar.

Programa Xira en asturiano

_________________________________________________________

As conseyeiras de Cultura, Política Llingüística y Deporte y d’Educación, Vanessa Gutiérrez y Eva Ledo, presentaron esta mañá a programación da Xira Didáctica pral curso 2025/2026, que sestuplica a oferta da edición anterior. Esta iniciativa vai ofrecer un total de 76 funcióis gratuítas en asturiano y eonaviego, distribuídas en 30 espectáculos y actividades qu’han a recorrer 30 conceyos asturianos.

El programa ta dirixido al alumnao de Primaria, Secundaria y Bachillerato, y combina contidos culturales y educativos pra fomentar el uso y conocemento das llinguas propias d’Asturias nel ámbito escolar.

El Principao pon a disposición del alumnao de Llingua asturiana y Lliteratura y d’eonaviego úa escoyeta de propostas creadas pola industria cultural asturiana que combinan un contido educativo singular cua valía artística y tán pensadas pra cada público obxetivo.

Ás artes escénicas y propostas musicales súmanse nesta convocatoria actividades vinculadas al cine y al audiovisual, á lliteratura y narración oral y á cultura tradicional, ampliando el númaro de disciplinas del programa da Xira, qu’empezóu nel trimestre último del curso anterior cua programación de cinco espectáculos de compañías y artistas asturianos.

A Xira vai empezar con Nueche d’ánimes/La pantasma el 8 d’outubre en Parres y ha a finalizar el 18 de xunio que vén con La neña de les trences al revés en Cabranes.

Todas as actividades d’este programa, que financia y xestiona a Conseyeiría de Cultura, Política Llingüística y Deporte al través da Sociedá Pública de Xestión y Promoción Turística y Cultural del Principao d’Asturias, son gratuítas y as prazas son limitadas. Os centros educativos namáis han a ter qu’asumir os costos que poda supoñer desprazarse, nel caso de que fora necesario.

A programación ha a desenvolverse en espacios culturales dos conceyos participantes, con fechas y horarios xa establecidos, el que deixa a os centros educativos planificar a súa participación en tempo. A reserva realízase de xeito telemático y priorizase al alumnao matriculao en llingua asturiana ou eonaviego. Pra participar neste proyecto é necesario formalizar úa reserva de xeito telemático na web https://entradas.turismoasturias.es/es/xira-didactica. El prazo d’inscripción ha a ser del 17 de setembre ás 09.00 horas al 30 de setembre ás 23.59 horas.

El catálogo d’esta edición incluye úa variedá amplia de propostas escénicas, musicales, audiovisuales y lliterarias, como “Amanda y les castañes máxiques”, “Azul y la revolución de los colores”, “El xardín d’Olivia”, “Gasolina con capullos”, “Pop Piquiñín”, “Contos pra ser quen queras ser”, “Bruxa. Cuntacuentos y taller de conxuros máxicos”, “El Conciertín, conciertu didácticu de música tradicional”, “Verdina. El día qu’una faba cósmica aterrizó n’Asturies”, “Dido y Eneas” ou “caLORCAlor”, entre outras. Cada actividá ta diseñada pra un ciclo educativo específico, dende Infantil hasta Bachillerato, y combina valores pedagóxicos con úa valía artística alta.

A Xira Didáctica, un programa pioneiro

A Xira Didáctica é un programa pioneiro qu’impulsan as conseyeirías de Cultura, Política Llingüística y Deporte y d’Educación, que busca llevar a cultura en asturiano y eonaviego ás aulas de toda Asturias. Con esta iniciativa promóvese el contacto directo del alumnao col sou patrimonio llingüístico y cultural, reforzando a normalización y promoción das llinguas propias nel ámbito educativo.

Na edición del trimestre último del curso pasao participaron un total de 27 escolas asturianas, 1.039 estudiantes y 107 docentes acompañantes.

Esta Xira Didáctica enmárcase nel conxunto de medidas del Principao pra fomentar el uso del asturiano y el eonaviego nas aulas. Entre ellas, destacan a súa inclusión dende este curso nel segundo ciclo d’Infantil y nas Escolas Oficiales d’Idiomas ou a súa presencia nos premios estraordinarios.

 *Inclúyese el catálogo da Xira Didáctica pra este curso escolar.

Programa Xira en eonaviego