04/02/2025.- Los Cuentos suculentos de Factoría Norte abren la programación del circuitu de narración oral d’Asturies, Cultura en Rede pa los meses vinientes, con esta llectura dramatizada sobre les histories ente fogones de la cocinera Griselda que’l públicu va poder disfrutar esti miércoles 5 de febreru na Casa la Cultura de Caravia.

Los cuntacuentos y la narración van siguir esti mes per toa Asturias con Los llamados Grimm de Saltantes Teatro, que, echando mano d’anécdotes, van cuntar trés de les histories d’esos hermanos tan conocíos el día 21 n’El Franco; La historia jamás contada de una niña llamada Caperuza de Kamante Teatro, que va usar los títeres pa narrar esti cuentu universal el día 25 en Llanera; y con Una historia del desierto d’Higiénico Papel Teatro, un cuentu dramatizáu inspiráu en Les mil y una nueches, el día 26 en Carreño.

Nel marcu d’esti circuitu programáronse 42 eventos de 21 profesionales en 42 conceyos asturianos hasta’l mes de xunu.  La programación actualizada pue consultase n’asturiesculturaenrede.es.

Los circuitos d’Asturies, Cultura en Rede son un proyectu de la Conseyería de Cultura, Política Llingüística y Deporte, fechu en collaboración colos conceyos asturianos y xestionáu pola Sociedá Pública de Xestión y Promoción Turística y Cultural del Principáu d’Asturies.