L’oxetu d’esta convocatoria ye la escoyeta de proyectos musicales pa la so participación na muestra de LLABOR (showcases) que van formar parte de la programación del Alcuentru profesional, Música en Rede los díes 16, 17 y 18 d’abril del 2024 en Llaboral Ciudá de la Cultura.

14/02/2023.- Al traviés del Alcuentru profesional, Música en Rede, lo que se quier ye establecer un puntu d’alcuentru profesional y comercial onde los axentes implicaos na industria musical del Principáu d’Asturies tengan la oportunidá de mostrar el talentu de los artistes asturianos, se creen sinerxes ente profesionales del sector, se xeneren espacios de debate y se presenten dinámiques nueves nel ecosistema musical que repercutan na profesionalización.

A lo llargo d’estes xornaes va desenvolvese un programa d’actividaes como XUNTES (alcuentros comerciales), CONXUSTES (meses redondes), ROLDA (presentaciones curties), ERBÍES (talleres técnicos), LLABOR (muestra de showcases) y EN REDE (puntu d’asesoramientu, pa que’artistes, profesionales y públicu tengan oportunidá d’interactuar y texer redes, amás de ser un escaparate pa visibilizar, dinamizar y profesionalizar la música emerxente fecha n’Asturies.

Al traviés d’esta convocatoria establécense les bases y requisitos que van rexir el procedimientu pa la escoyeta de los proyectos que se van programar con respetu a los principios de publicidá, llibre concurrencia y oxetividá.

La documentación requerío ha presentase namás al traviés del rexistru creáu con esa mira, accesible al traviés de la URL http://panel.asturiesculturaenrede.es a partir del miércoles 14 de febreru del 2024 a les 08:00 hores.

Nun se van almitir propuestes que s’unvien al traviés d’otres canales.

La compañía, profesional, productora o distribuidora va poder ver en tou momentu nel so perfil la documentación presentao.

La hora y fecha tope de presentación de les solicitúes van ser les 12:00 hores del xueves 29 de febreru del 2024. Desque acabe’l plazu de solicitú, la plataforma va quedar inhabilitada pa facer cualquier clas de cambéu na documentación presentao hasta que la convocatoria se resuelva.

Descargar la convocatoria equí.

Descargar l’anexu equí.

Descargar los rider técnicos equí.

Descargar el comité de valoración equí.

11/03/2024

Descargar la resolución equí.