Convocatoria pa la selección de propuestes d’espectáculos familiares y escolares de música y d’artes escéniques pa la so programación en Llaboral Ciudá de la Cultura

27/04/2023.- La Sociedá Pública de Xestión y Promoción Turística y Cultural del Principáu d’Asturies promueve una convocatoria pa escoyer espectáculos de les distintes disciplines d’artes escéniques (teatru, danza, circu, maxa y teatru d’oxetos y títeres) amás de proyectos musicales interpretaos por bandes y/o solistes musicales. Dende la selección va conformase un rexistru d’espectáculos diversu y representativu del mayor númberu posible de disciplines de les artes escéniques y la música, que va valir pa realizar la programación familiar y escolar de Llaboral Ciudá de la Cultura.

L’oxetu d’esta convocatoria ye la selección de proyectos artísticos de música y artes escéniques pa la posterior programación d’espectáculos familiares y escolares en Llaboral Ciudá de la Cultura dientro del programa Vamos! 2023-2024.

Nesta convocatoria establécense les bases y requisitos que van rexila, igual que’l procedimientu pa la selección de los espectáculos que van integrar esta llista con respetu a los principios de publicidá, llibre concurrencia y oxetividá.

Descargar la convocatoria

Descargar los anexos

12/09/2023:

Descargar la resolución