La Oficina de Proyectos Culturales d’Asturies ye un serviciu que quier fomentar la profesionalización y que naz col oxetivu d’apoyar a los creadores na búsca de financiación autonómica, nacional y europea.

El serviciu ye gratuitu dafechu y dase per teléfonu, per vía telemática y presencialmente, nesti casu con un sistema de cita previa.

Pues ponete en contactu con nosotros al traviés d’esti formulariu si necesites orientación y asesoramientu.

Tamién pues atopanos en LABoral Centro de Arte, en xuntes presenciales, pidiendo cita previa al corréu electrónicu siguiente: opca@laboralcentrodearte.org Les xuntes presenciales van facese los llunes y martes de tarde de 16:30 a 19:30 h.

Pues contactar con nosotros en cualquier fase de la producción del to proyectu a la cata d’asesoramientu y orientación. Con esti aquel, armemos una estructura estable y vamos favorecer la creación d’una rede dientro de la nuestra comunidá pa facilitar el trabayu de los profesionales del sector y cola fin d’impulsar que se desenvuelvan proyectos na nuestra comunidad y que tengan visibilidá fuera.

Anque nun podemos facenos cargu de la producción de los proyectos de los solicitantes, vamos aportar asesoramientu teóricu y prácticu sobre recursos disponibles, convocatories d’ayudes y subvenciones, sobre oportunidaes de residencies y tamién sobre ayudes a la movilidá. Vamos intentar facer, igualmente, un siguimientu de los proyectos que lo necesiten. 

Procedimientu qu’hai que siguir:

1. Recepción de propuestes

Toles propuestes van recibise de forma online, gracies al formulariu habilitáu na web de LABoral.

2. Atención a los solicitantes y cita previa

Toles solicitús van tener respuesta vía email o telefónica y nel casu que se necesitara aconceyar de manera presencial, va citase a los solicitantes dientro del horariu preestablecíu. Les solicitús van dir tramitándose n’orde rigorosu de llegada.

3. Estudiu de los proyectos

Cada proyectu va estudiase individualmente y cola confidencialidá debida. Pa los proyectos que lo necesiten, un profesional de LABoral Centro de Arte va atender a los solicitantes en persona na Oficina de Proyectos Culturales d’Asturies. Nesta primer cita, van estudiase les necesidaes del proyectu y, nel caso de que faiga falta un asesoramientu especializáu, van buscase y facilitase los trámites gracies a la rede de collaboradores que se va crear con esta finalidá.

4. Siguimientu

Una vez al mes, va tenese un alcuentru col solicitante pa facer siguimientu del proyectu.

Rellena’l siguiente formulariu pa consultes online o solicitú de xunta presencial