El trabayu cola llana forma parte del patrimoniu cultural d’Asturies y constitúi ún de los saberes tradicionales qu’acompañaron mientres xeneraciones la vida cotidiana nel mediu rural. Dende’l curiáu del ganáu hasta la tresformación de la llana en filo y el so usu en texíos, esti procesu reflexa tamién una forma de vida basada na autosuficiencia, la creatividá y la cooperación. Na actualidá, munchos d’estos saberes cuerren el riesgu de perdese si nun se xeneren espacios onde puedan ser tresmitíos de forma activa y significativa.

Esti taller surde como una propuesta qu’axunta tradición, deprendimientu y esperiencia, averando a les persones participantes al procesu artesanal de tresformación de la llana.