¡Atención atención! ¡Dames y caballeros! L’espectáculu de los fenómenos ambulantes llegó a la so ciudá.

¡Avérense! Van ver coses nunca vistes y van poder conocer de cerca a los nuestros fenómenos y los sos talentos ocultos, como Tortellino, l’allegre arlequín que va facelos rir coles sos travesures; Mochi, el tienru monu que va roba-yos el corazón cola so dulzura; y Antoine, l’ablucante pintor que va mostrar la so habilidá y creatividá. Toos ellos van sorprender al públicu colos sos talentos y mañes.

Un espectáculu onde les marionetes cobren vida pa esfrutar de l’habilidá, sensibilidá, humor y tenrura d’estos personaxes únicos.