Una nueche estrellada, una pota ferviendo y dos bruxuques que se preparen pa la nueche más máxica del añu: La nueche de Samaín... Asina s’entemecen los ingredientes pa un ratucu prestosu enllenu de cuentos pa temblar... ¡DE LA RISA!

Ente recetes máxiques dirán descubriéndonos los sos llibros favoritos. Hestories de pantasmes que tienen falta d’anovar el so armariu, viesques habitaes por creatures sorprendentes y dalgún qu’otru cantar van combinase colos nuesos propios raigaños celtes pa estimular la imaxinación y reínos de los nuesos mieos al traviés del gustu polos cuentos.