Entre títeres y oxetos cotidianos, una paisana y un paisanu tienden y recueyen la ropa mirando pal cielu, entrugándose si güei va llegar el Nuberu. Mientres esperen, ente alcordances, cantares y pallabres, remembren les hestories del misteriosu señor de les nubes. Asina, ente nubes imaxinaes y lleendes vieyes, reviven les travesuras y sorpreses del Nuberu, siempres imprevisible n’Asturies, onde l’agua forma parte de la vida y del paisaxe.

Un viaxe poéticu y cercanu onde los oxetos tienen vida propia y recuérdennos que, nesta tierra de cielos cambiantes, tres de cada nube puede escondese una hestoria.