El Goberno del Principao festexa nel 2026 os actos conmemorativos del Día d’Asturias en tres conceyos vinculaos á ría del Eo. A Veiga, San Tiso d’Abres y Castropol van acoyer, del 5 al 8 de setembre, as actividades d’un programa amplio que celebra el patrimonio histórico y natural, as tradicióis y a cultura del occidente asturiano.

ℹ️ Descarga el programa completo eiquí.

El Gobiernu del Principáu festexa nel 2026 los actos conmemorativos del Día d’Asturies en trés conceyos vinculaos a la ría del Eo. A Veiga, San Tiso d’Abres y Castropol van acoyer, del 5 al 8 de setiembre, les actividaes d’un programa ampliu que celebra’l patrimoniu históricu y natural, les tradiciones y la cultura del occidente asturianu.

ℹ️ Descarga’l programa completu equí.

INFORMACIÓN IMPORTANTE PRAS ACTIVIDADES QUE PRECISAN RESERVA PREVIA:

Volo cautivo de globo aerostático

Pras actividades con prazas limitadas, as invitacióis retíranse na web: https://entradas.turismoasturias.es/es/mas-cultura/

A VEIGA. 5 de setembre, 19:00 h. Área Recreativa El Noveledo

SAN TISO D’ABRES. 6 de setiembre, 19:00 H. Área Recreativa do Piñeiro

• Cada reserva pode ferse pra un máximo de 4 personas.
• Cada volo ha a realizarse sempre con 4 personas independentemente de qu’a reserva seña realizada pra menos personas, polo qu’é posible que nun se podan respetar os acompañantes das reservas realizadas.
• Actividá non accesible, non apta pra PMR.
• Altura mínima pr’acceder: 1,10 m.
• Os viaxeiros han a asegurarse de que son físicamente aptos pra fer el actividá. Nun s’asume responsabilidá ningúa por enfermedades ou mancaduras que teñan orixe núa condición médica preexistente. D’outro xeito, el actividá ta contraindicada pra muyeres en xestación ou pra personas con osteoporosis.
• Todos os viaxeiros han a ser capaces d’acceder, permanecer y salir da cesta sin cuntar con axudas esternas. Nun se permite acceder al globo con muletas ou outros sistemas d’apoyo.
• Prohíbese coyer en brazos a outro viaxeiro mentres el ascensión.

Visita guiada conxunto escultóricu A Veiga con intervención poética

5 de setembre, 16:30 h. Empezo del recorrido: Praza del Conceyo

Cada reserva pode ferse pra un máximo de 4 personas

Visita guiada por San Tiso d’Abres

6 de setembre, 12:00, 13:30, 16:00, 17:30 y 19:00 h. Empezo del recorrido: Área Recreativa do Piñeiro

Cada reserva pode ferse pra un máximo de 4 personas

Taller de ñougos marineiros

7 de setembre, 18:30 h. Muelle das Figueiras

Cada reserva pode ferse pra un máximo de 4 personas

Visita guiada por Castropol

8 de setembre, 12:00, 13:30, 15:30, 17:00 y 18:30 h. Empezo del recorrido: Parque Vicente Loriente

INFORMACIÓN IMPORTANTE PA LES ACTIVIDAES QUE PRECISEN RESERVA:

Pa les actividaes con places limitaes, les invitaciones retírense na web: https://entradas.turismoasturias.es/es/mas-cultura/

Vuelo cautivu de globu aerostáticu

A VEIGA. 5 de setiembre, 19:00 h. Área Recreativa El Noveledo

SAN TISO D’ABRES. 6 de setiembre, 19:00 H. Área Recreativa O Piñeiro

• Cada reserva va poder facese pa un máximu de 4 persones.
• Cada vuelu va facese siempre con 4 persones, independientemente de que la reserva seya pa menos persones, polo que ye posible que nun se puedan respetar los acompañantes de les reserves realizaes.
• Actividá non accesible pa PMR
• L’altor mínimu pa participar na actividá ye de 1,10 m.
• Los pasaxeros han asegurase de que son físicamente aptos pa facer el vuelu. Nun se va asumir responsabilidá nenguna por enfermedaes o mancadures que resulten d’una condición médica anterior. Los vuelos pa muyeres n’estáu de xestación o persones con osteoporosis tán contraindicaos.
• Cualquier pasaxeru ha ser quien a acceder, xubir, permanecer y salir de la cesta ensin ayudes esternes. Nun ye posible l’accesu al globu con muletes o otros sistemes d’apoyu.
• Prohíbese garrar en cuellu o upar a otru pasaxeru na ascensión.

Visita guiada conxuntu escultóricu A Veiga con intervención poética

5 de setiembre, 16:30 h. Salida del percorríu: Plaza del Conceyu

Cada reserva va poder facese pa un máximu de 4 persones

Visita guiada per San Tiso d’Abres

6 de setiembre, 12:00, 13:30, 16:00, 17:30 y 19:00 h. Salida del percorríu: Área Recreativa d’O Piñeiro

Cada reserva va poder facese pa un máximu de 4 persones

Taller de ñudos marineros

7 de setiembre, 18:30 h. Puertu d’As Figueiras

Cada reserva va poder facese pa un máximu de 4 persones

Visita guiada per Castropol

8 de setiembre, 12:00, 13:30, 15:30, 17:00 y 18:30 h. Salida del percorríu: Parque Vicente Loriente

Cada reserva va poder facese pa un máximu de 4 persones