Kórima Latin ye un grupu de música llatina en formatu acústicu, al puru estilu tradicional, percusiones, contrabaxu, pianu y voz. Formáu por cuatro músicos instalaos n’Asturies y d’una trayectoria nacional y internacional bien granible, Kórima Latin celebra nos sos conciertos el gustu pola música llatina (afro-cubana); non solo con cantares creaos pa esi estilu, como Lágrimas Negras, Dos Gardenias, Pedro Navajas o Mi Tierra,  sinon faciendo les sos propies versiones de cantares populares, mesmo que temes de composición propia. Boleru, chachachá, salsa, son, guaguancó y latin jazz, son dalgunos de los estilos que Kórima Latin ufre nos sos conciertos, animando asina al públicu a baillar y a cantar con esi “sabor y calor” característicos de la música llatina.