Les más de les veces, cuando pensamos en música clásica dicimos… Sí, perguapa pero… ¡qué aburrida! Nada más lloñe de la realidá… Ensin dulda, aquello que nos espliquen bien faise más prestoso y aquello que vivimos y que comprendemos paeznos más guapo.

La Orquesta de Cámara Concerto ufierta un espectáculu onde non solo se siente la música, sinón que tamién se viven les histories que se narren faciendo al públicu partícipe d’elles y conociendo a los compositores, intérpretes y sociedá d’aquel momentu.